Bekostigbare Kwaliteit

Droëvrugte en Neute

Dis die skool of kerk se jaarlikse fondsinsameling en bokse droë vrugterolle word afgelewer. In daardie dae was daar nie groot verskeidenheid van geure nie en was jou keuse beperk tot hoogstens drie geure vrugterolle. Weet nie of die verskaffers ‘n groter moontlikheid van geure gehad het nie, en of dit net die tannie se keuse van drie drie geure was om van te kies nie.

Gelukkig was ons in die bevoorregte posisie om elke nou en dan  die Kruger Wildtuin te besoek.  Hall & Sons buite Nelspruit was dan natuurlik ons gunsteling stilhou plek. Daar kon jy kies en keur uit ‘n groot aantal verskillende geure vrugterolle.

Die hoeveelheid geure het eintlik nie op daardie stadium veel saak gemaak nie want my R2.00 het verseker dat ek 'n lekker sagte koejawelrol  in die hande kon kry.  Die "Voet Spa" by die huis,  waarvan my ma die enigste kliënt was, se fooitjie het gehelp dat ek soms meer as een kon bekostig.

Dit is hierdie mooi herinneringe aan die heerlike vrugterolle teen bekostigbare pryse,  wat die ontstaan van die aanlynwinkel  DIE SPENS geïnspireer het. My twee woelwaters is absoluut mal oor droë vrugte en neute en hulle gesonde eetlus sou dit nie lank vat om bankrot te raak om net die nodige te koop nie.

As Suid Afrikaners is droëvrugte en neute net so tuis by ons soos braaivleis en rugby. Ons wil ons seker maak dat die peuselhappies nog lank op elke bord of in jou kinders se kosblik sal  bly. DIE SPENS aanlyn winkel wil dit vir elke kliënt moontlik maak om in die gemak van hulle huis kwaliteit droëvrugte en neute te kan koop vir hulle as gesin, 'n groep vriende of vir 'n paar tannies en ooms by die ouetehuis.

 Ons het ook geskenkbewyse beskikbaar wat jy aan iemand kan gee as verjaarsdag-  of kersgeskenk.

Omdat kwaliteit vir ons belangrik is, maak ons seker dat al ons verskaffers aan dieselfde gehalte en standaarde voldoen.

Moet asseblief nie langer wag nie - gaan loer by ons winkel in en maak jou MANDJIE vol met al die lekkerste droëvrugte; neute; sade of enige van ons ander produkte wat jy in jou spens wil hê.