Heuning-Neut-Granola

Lewer omtrent 7 koppies

• 2 k. hawermout
• 3 k.All Bran vlokkies
• 1 k. klapper
• 1 k. Amandels
• 1 k. kasjoeneute
• 1 k.heuning
• ½ k. olie
• ¼ k. bruin suiker
• 1k. goue sultanas

1. Voorverhit oond op 150°C en voer groot bakplaat met bakpapier uit.
2. Rooster hawermout 15 min. tot goudbruin. Roer gereeld.
3. Gooi in groot bak. Voeg ontbytvlokkies en neute by, asook klapper.
4. Verhoog temperatuur na 180°C. Voer twee bakplate met foelie uit en smeer goed met olie.
5. Verhit olie, heuning en bruinsuiker saam. Meng goed en gooi oor mengsel in bak. Roer goed deur met jou hande.
6. Verdeel hoeveelheid tussen twee bakplate, sprei egalig. Bak 15 min. Roer gereeld.
7. Voeg sultanas by elk. Meng goed deur. Bak nog 10 min. tot donker goudkleur. Laat afkoel op plate.

Bêre in lugdigte houer.