Heerlike nagereg
Bestandele
- Gebruik ontpitte pruimedante. Kook (prut) tot net sag. Verkoel. Maak sny in elke pruimedant. Skep ½ teelepel roomkaas binne elke pruimedant. Rol elke pruimedant in ½ repie streepspek. Steek met tandestokkie vas.
Braai in oond op gesmeerde bakplaat of in pan op stoof. Bedien warm as peuselhappie. Pruimedante kan met heel dadels vervang word. Geniet!
- In plaas van appelkose kan gaar droëperskes saam met vleis op sosatiestokkies geryg word. Kook perskes net tot sag maar ferm. Laat afkoel en verdeel indien nodig.
- Dadels gekook saam met appelkooskonfyt maak lekker vulsel vir vrugte tertjies (Jan Smuts koekies)
- By vingerete kan enige vars droë-vrugte en neute op groot houtborde in hopies gepak word saam met kase, koue vleise, en “crostinis” Smere soos humus, Tapanade, Pesto ens. Versier met vars druiwe of suurlemoenblare.
- Kook droëperskes tot sag. Verkoel. Plaas in voedselverwerker. Maak fyn, Krummel skuimpies grof in hoëglase. Skep perskes en Griekse jogurt, alternatief met skuimpie-krummels. Versier bo-op met rooi kersie. Bedien as somer nagereg.